"චිංගිස් ආයිත්මාතව්ගේ" ගුරු ගීතය මට හමුවූයේ මීට වසර 5 කට පමණ පෙරය. එදා මෙදා තුර මාගේ මතකයේ ‍රැදීමට සමත් වුණු එකම පොත එය බව මා පවසූවොත් මා නිවැරදිය. මා පොත් ලෝලියකු හෝ විචාරකයකු නොවූ නිසා එහි ගැබ්වුණු අතිශය සංකීරණ කරුණු මට නොවැටහුනද, රචකයා තම අදහස පාඨකයාගේ ඇතුලන්තයට කිඳා බැස්වීමට පරිසරයේ සිදු වී ඇති වෙනස්කම් යොදා ගැනීම මා සිත් ගත්තේය.

පසුගිය දිනක මට හමුවූ "ජමිලා" පොතද ඒ හා සමාන ලෙස මා හිතට කාවැදුනු ඔහුගේ අනර්ඝ කෘතියකි.

මෙහිදී සෝවියට් රුසියාවේ එවකට පැවති සමාජ ක්‍රමය පිළිබඳව මනා විග්‍රහයක් කෙරෙන අතර ජමීලා නැමති තරුණිය හා දනියාර් නැමති ආබාධිත සොල්දාදුවා පිළිබඳ කතා නායකයා හෙවත් "සෙයිට්ගේ" රාමුව තුල කෙරෙන විග්‍රහයක් මෙම නව කතාව පුරාවට දිගැහරෙයි.

කතාව ආරම්භ වනුයේ සෙයිට්ගේ යෞවුන් වියේදී ඔහු ඇඳි සිතුවමක් දෙස බලා එයට පාදක වුණු කතාන්තරය විස්තර කරන ඔහුගේ වදන් වලිනි. පොත පුරාවට දිගහැරෙන සුන්දර කතාවේ එක්තැනකදී දානියර්ගේ ගීතයෙන් මත් වන සෙයිට් දානියර්ව විස්තර කරන ආකාරය මගේ සිතට තදින් කාවැදිනි.

"ඔහු කිසිවකට හද පත්ලෙන් ආලය කර ඇත. එය සප්‍රාණික පුද්ගලයකුට ආලය කිරීමක් නොව, පොදුවේ ජීවිතයට හා මවුබිමට ආලය කිරීමකි. ඔහු එම ආල්ය සඟවාගෙන, එමෙන්ම තම ගීත වලට ආදරය කරමින් එයින් ජීවන ශක්තිය ලබා ගත්තේය. කොතරම් හොඳ කට හඩක් තිබුනද උදාසීනත්වයෙන් පෙලෙන්නෙකුට එලෙස ගායනා කල නොහැක. "

කතාවේ අවසානය මට ගෙනදුන්නේ ඉතා ශෝඛාකූල හැගීමකි.

"මගේ ඉතාම ආදරණීය සහ මට ඉතාම සමීප දෙදෙනා ගෙන් මම සමුගතිමි. මහ පොළොවේ වැතිර සිටි මට හිටි හැටියේම මා ජමිලාට ආලය කරන බව වැටහිණි. ඔව්, එය මාගේ ප්‍රතම කුළුදුල් ළමා ආලය විය. තෙතබරි වැලමිටි වලට හිස තද ක‍රැගෙන මම බොහෝ වේලාවක් වැතිර සිටියෙමි. මා සමුගත්තේ ජමිලාගෙන් සහ දනියාර්ගෙන් පමණක් නොවේ. මගේ ළමා වියෙන් පවා මම සමු ගත්තෙමි "

එය ඉතා සංවේදීය. ඒ සංවේදි හැගීම් විසින් මා මේ සටහන තැබීමට පොළඹවන ලද්දා විය යුතුය......

8 comments:

දැන් සසිකට මොකද වෙන්නෙ?
:D

අයිත්මාතව්ගේ මේ ‍පොත් දෙකම මාත් ගොඩාක් වින්ද පොත් දෙකක්.සාහිත්‍යය ගැන මේ වගේ බ්ලොග් සටහන් වැඩිවෙන එක වටිනව.නොකියවූ අයට කියවන්න පෙලඹවීමක් හෝ ඇති කරන හින්දා

මමත් හරිම ආසාවෙන් බලපු පොත් දෙකක් . . . සම්පූර්න අංතර්ගතය දැන් මතකයෙන් ගිලිහිලා උනත් ඔබේ සටහන දුටු පසු . . ගුරුගීතයේ "පොප්ලර්" ගසක් හෝ වෙන යම් ගසක් ගැන සදහන් වූ සිත කීරි ගැසූනු විශේෂිත යමක් මතකයෙස් එහා මෙහා පාවුනා වගේ දැනුනා .. .

තවද ජමීලා පිරිමියෙකු මෙන් කරත්තයේ බඩු පුරවා නගරයට යෑමත් . . දනියාර්ගේ ගීතයෙන් ජමීලාත් ඔහුගේ කුඩා මස්සිනාවූ සෙයිට් ත් වශීවී පාලු රාත්‍රී අදුරත් සමග එහි රසව්හිදි අපූරුව මාත් එහි සිට වින්දා වගේ දැනුනා . . .

අනේ මම කියවලා තියෙන්නේ ගුරු ගීතය විතරයි.. ජමීලා මේ පාර ප්‍රදර්ශණෙන් ගන්න ලිස්ට් එකට එකතු කර ගත්තා!

You can download two books.

http://www.scribd.com/doc/13067245/Aitmatov-Jamila

http://www.scribd.com/doc/4860482/Duishen-chingiz-aitmatov

ජමිලා කියවලා මම පටලුනේ ලොකු පඹ ගාලක
කතන්දරේ එක එක චරිතෙ මම කියල හිතල
ජමිල ඒ චරිතෙට පෙනෙන හැටි හිතුවම
සාධාරන වෙන්නෙ කාගෙ අහෙන්ද කියල හිතාගන්න බැරිඋනා
ඒක නිසා මම කාලයටම ඉඩදුන්නා තේරුම්ගන්න...............


cooll :)))

මම කියවලා තියන ඉතාමත් ලස්සනම,සංවේදීම නවකතාව උනේ ගුරුගීතය.එයින් පස්සේ චින්ගීස් අයිත්මතෙව් ගෙ නවකතා කියවන්න ආස හිතුන.ජමිලා නවකතාව කියෙව්වේ නිසා.එකත් හුගක් ලස්සන නවකතාවක්.ගුරුගීතය වගේ අපිට තේරුම් ගන්න අමාරු කතාවට යටින් දිවයන අර්ථයක් ජමිලාහිත් ඇති කියලා හිතුන.නමුත් ඒක දැනගන්න ක්‍රමයක් තිබූ නේ.නමුත් මේ බ්ලොග් එක නිසා ඒ ප්‍රශ්නය නැති උනා.

Post a Comment

Twitter Updates

    follow me on Twitter

    ආපු අය

    Followers